Olatukoopen sorrera, garapena eta erronkak

Resumen

Artikulu akademiko bat baino, errelato bat da hau. Honi Ikerketa-ekintza deitu nahi izango dionik ere egongo da, baina honako hau praktika kolektibo askoren sintesia da. Ezin dugu esan zehaztasun gabekoa denik, baina praktikaren, lanaren eta desiren artean kokatzen da. Lan hau ez litzateke sortuko Amaia, Arianne, Beñat, Enara, Enekoitz, Mikel, Mirene, Oscar… eta beste hainbat pertsona gabe.

Ahots eta lan kolektiboen sintesia, aditu eta aritu askoren lana, eta ikertzaile zein militanteen esfortzua sintetizatzen dira ideien asanblada, edo hobe esanda, mihiztadura honetan. Kartografia bat ere bada, Euskal Herriko bosgarren olatu kooperatiboan murgiltzeko mapa; bidaia ona izan.