Ohar bat intentzionalitatearen trataezintasunaren inguruan

Laburpena

Hilary Putnamek egindako proposamen konkretu batzuek intentzionalitateari buruzko gogoeta filosofikoan eragin izugarria izan badute ere, ez du inon ematen intentzionalitatearen auziari orokorrean helduko dion teoria osorik. Testu honen helburu nagusia da Putnamek intentzionalitatearen "trataezintasunaren" inguruan egiten duen diagnostikoa argitzea. Testuan azaltzen denez, Putnamen iritziz, marko naturalista partikular baten barnean intentzionalitatea trataezin izatera iritsi da, baina intentzionalitatearen izaera trataezin hori ez da intentzionalitatearen eta naturalismoaren artean berez legokeen halako tentsio batengatik, baizik eta gaurko jarrera naturalista gehienek jaso eta onartzen duten hamazazpigarren mendeko intentzionalismo kartesiar batengatik.