Lan honek ekonomia inklusiboaren ikuspegitik –ikuspegi neoklasikoaren alternatiba– aztertzen du kapitalismo industrialean zehar errenta eta aberastasunaren banaketan egon den desberdintasunaren bilakaera, Ipar zein Hego globalean. Fase neoliberalean jartzen da arreta, neoliberalismoaren eta desberdintasunaren arteko harremana planteatuz, fase horren ondorioak aztertzeko. Ondorio horien artean, prekarietatearen eta pobreziaren gainean eraikitako plutokrazia osatzea nabarmentzen da. Eta bukatzeko, alternatiba batzuk aurkezten dira, bai kapitalismoa erreformatzeko, bai kapitalismotik kanpo, justizia sozialaren eta ingurumen-justiziaren bidean aurrera egiteko.