Język jako narzędzie interpretacji rzeczywistości – językowy obraz świata

Laburpena

Hizkuntza gizakiari eta haren munduari buruzko informazio-iturri agorrezina da. Hizkuntza-komunitate baten hizkuntzak komunitateko aurreko belaunaldi guztien esperientzia gordetzen du bere egituretan, baita mundua ikusteko modua eta portaera-ereduak ere. Hizkuntza-komunitateak errealitatea interpretatzeko duen modua hainbat mendetan ezartzen da hizkuntzan, eta gaur egun haren hizkuntza-sisteman islatzen da. Horregatik, L. Wittgensteinek esan zuen bezala, gure hizkuntzaren mugak gure munduaren mugak dira (Anusiewicz, 1999). Hizkuntza-sistema, pertsonen arteko komunikaziorako ezinbesteko tresna izateaz gain, gure errealitatea interpretatzeko daukagun tresna bakarra ere bada. Hizkuntzaren bitartez "inguratzen gaituen kaosa antolatzen eta ordenatzen dugu" (Maćkiewicz, 1999). Mundua eta hizkuntzan islatzen den munduaren hizkuntza-irudia [sprachliches Weltbild, linguistic view (picture) of the world] interpretatzeko bere modua du hizkuntza-komunitate bakoitzak. Munduaren hizkuntza-irudi hori izan da hainbat filosofo, hizkuntzalari eta etnolinguistaren ikerketen xede nagusia azken mende hauetan, munduaren hizkuntza-irudi kontzeptuak nahiko historia luzea duen arren. Artikulu honen helburua da aurkeztea gizakiaren eta haren hizkuntzaren arteko harremanari eta mendekotasunari buruzko ideiak eta munduaren hizkuntza irudi kontzeptua.