Turquía y España hacia el cambio en la percepción del "otro"

Laburpena

Aurreko mendeko hirurogeita hamarreko hamarkadaren erdialdera turkiarrek ezer gutxi zekiten espainiarrei buruz: Real Madrid, zezenak eta musika espainiarra besterik ez. Oro har, kristautasun kartsuko herritzat jotzen zuten. Espainiarrek uste zuten turkiarrek arabieraz hitz egiten zutela eta haientzat poligamia legezkoa zela. Laurogeiko hamarkadan, Turkiako merkataritza liberalizatu egin zen, eta espainiar hizkuntzaren eta kulturaren irakaskuntza hedatu zen unibertsitateetan, ordura arte Ankarakoan bakarrik baitzegoen aukeran. Espainian, turkiera-eskolak ematen hasi ziren Madrilgo Unibertsitate Autonomoan, eta merkataritza-harremanak sortu ziren Turkiara bidalitako pertsonalarekin. Turkiarrak espainiarrengandik hurbilago sentitzen hasi ziren, historian zehar antzeko prozesuak izan baitituzte biek. Gaur egun, Zibilizazioen arteko Itunaren babesleak dira bi herriak, eta elkarrenganako iritzi gero eta positiboagoak dituzte ekonomian, politikan eta gizartean. Turkia: Europako Ekialdeko Atea irakasgaiko ikasleek idatziz egin dituzte Turkiari eta turkiarrei buruzko pertzepzioen hainbat iruzkin.