Codificación, Código civil y derechos civiles forales

Laburpena

21/2019 Foru Legeak, apirilaren 4koak, Nafarroako Foru Zuzenbide Zibilaren Konpilazioa edo Foru Berria aldatu eta eguneratzen duenak, Espainiako kodegintza zibilaren ziklo historiko bat itxi du. Ziklo luzea izan da, 1843an hasi baitzen (politikoki, lehen karlistadaren amaierarekin). Momentu hartan, Kodeen lehen Batzordea erakunde bihurtu zen, eta erakundeak eta herrialdeko zuzenbidea izan zituen helburu: Gaztelako zuzenbidea soilik, ala Espainiako zuzenbide guztiak? Eta, edonola ere, «Monarkiaren batasun konstituzionalari kalterik egin gabe». Horixe zen urtez urte pil-pilean izan den eztabaidagaia. 1978ko Konstituzioari esker, gaur egungo Espainiako zuzenbide zibilak Estatuko eta Foru-zuzenbideak biltzen ditu, eta zuzenbide guztiak bat datoz Konstituzioaren estandarrekin, Konstituzioak ezarritako bideen bitartez eratu dira eta haren printzipioen baitan daude.