Lectura entre líneas del Escudo de la más constante fe y lealtad

Laburpena

Escudo de la más constante fe y lealtad de Vizcaya izeneko liburua Bilbon argitaratu zen 1762an, Bizkaiko Diputazioaren ekimenez. 2015ean beste edizio bat argitaratu zen, sarrerako azalpen zabal batekin, eta ondoren aurkezpen bat egin genuen Eusko Legebiltzarrean, liburuaren «misterioen» lehen azalpen bat emateko asmoz. Artikulu honen bidez beste urrats bat egin nahi dugu liburuan behar bezain argi ageri ez diren alderdi batzuen lerro arteko irakurketa egiteko bidean. Egilearen nortasunaren arazoa lantzen da berriro, eta argitaratzeko erabilitako bideak jorratzen dira, baina arreta berezia eskaintzen zaio liburuaren laugarren zatiari, protektoratuaren araubideari eta erabilera-emakidari buruz lerro artean esan daitekeenari, bai eta, azkenik, 852 oharrei eta horietan jasotako milaka aipamenei ere.