Lo Statuto Regionale Siciliano di autonomia speciale nel contesto dell’evoluzione politico-istituzionale dello Stato italiano

Laburpena

Siziliak autonomia estatutu «berezia» lortu zuen 1946. urtean, eskaera independentistek eragindako egoera politiko gatazkatsuaren ostean; estatutu hori arau konstituzional bihurtu zuen 1947ko Italiako Errepublikako Konstituzioak. Siziliako Estatua 1932ko Kataluniako Estatutuan oinarritu zen, G. Ambrosini legegilearen bitartekaritza tarteko; haren bitartez, eta uhartearen berezitasun historikoak kontuan izanik, Siziliari autonomia botere bereziak eman zitzaizkion. Horrenbestez, Sicilia 1947ko Konstituzioak berak estatutu «arrunta» aitortu zien gainerako eskualdeetatik bereizi zen. Aldiz, 2001ean, Italiako Konstituzioaren V. titulua aldatu eta eskualdeei botere ugari itzuli zitzaien, Estatuari egitura erdi federalista emanez; erabaki horrek Siziliaren autonomia berezia zalantzen jarri du, bertako estatutuaren mugak eta ahalmenak berriz ere eztabaidatzeko beharra mahai gainean jarriz.