"251 - Enpresa eta Ekonomia Aldizkaria"ren ARTIKULUAK ARGITARATZEKO ARAU OROKORRAK

Gai-eremuak

Aldizkariak, besteak beste, honako arlo hauei lotutako lanak onartuko ditu:

• Enpresen zuzendaritza eta administrazioa
• Antolakuntzaren berrikuntza eta pertsonen kudeaketa
• Tresnak: finantzak, kontabilitatea, marketina, fiskalitatea...
• Ekonomia aplikatua
• Ekonomia eta enpresa hezkuntza
• Ekonomia soziala eta solidarioa
• Jasangarritasuna eta ekonomia zirkularra
• Ekintzailetza
• Ekonomia zirkularra

Argitaratzeko, jatorrizko ikerketako nahiz unibertsitateko irakaskuntzaren berrikuntzako eta hausnarketako artikuluak hartuko dira kontuan. Uneko errealitatearekin loturiko lanak lehenetsiko dira, gizarte, ingurumen edo kultura arloko gaiak jorratzen dituztenak, betiere ikuspegi zorrotz eta oinarri zientifikoarekin.

Argitaratzeko hizkuntzak

Hizkuntza nagusia eta lehentasunezkoa euskara izango da, baina, salbuespen gisa, ekarpenak gaztelaniaz edo ingelesez onartu ahalko dira, baldin eta horien argitalpena interes tematikoak edo nazioarteko jatorriak justifikatzen badu.

Nolanahi ere, argitaratutako lan guztietan laburpenaren ingelesezko bertsioa (artikulu luzeetan), laburpena, izenburuak eta horien gako-hitzak erantsiko dira.

Egileentzako jarraibideak

Aldizkarira bidalitako lanek originalak eta argitaragabeak izan beharko dute, eta ez dira ebaluazio-prozesuan egon beharko beste ezein argitalpenetan. Euskaraz idatzitako lanak onartuko dira lehentasunez, baina, salbuespen gisa, gaztelaniazko edo ingelesezko testuak onar daitezke, gaiaren edo jatorriaren aldetik interesgarria dela justifikatzen denean.

Argitaratzeko, jatorrizko ikerketako nahiz unibertsitateko irakaskuntzaren berrikuntzako eta hausnarketako artikuluak hartuko dira kontuan.

Artikuluen formatua eta egitura

Testua formatu editagarrian entregatu beharko da (.docx edo .odt), eta bi bertsiotan, bat egileen informazioarekin, eta bestea anonimoa (PDF formatuan ere bai eska daiteke). Gomendatutako luzera 8.000 eta 10.000 hitz artekoa izango da, taulak, irudiak, oharrak eta bibliografia barne.

Artikulu bakoitzak honako elementu hauek izan beharko ditu:

• Izenburua: argia eta laburra, artikuluaren edukiarekin bat datorrena.
• Laburpena: 150 eta 200 hitz artean, artikuluaren hizkuntza nagusian idatzita (ahal dela, euskaraz).
• Gako-hitzak: 4 eta 6 termino artean, lanaren edukia adierazteko.
• Laburpena edo aurkibidea (artikulu luzeetan): artikuluak atal garrantzitsu ugari baditu, laburpen egituratu bat sartzea gomendatzen da, ingelesezko itzulpenarekin hori ere.
• Ingelesezko itzulpena: izenburua, laburpena, gako-hitzak eta sumarioa (egonez gero) ingelesez ere sartu beharko dira, artikuluaren jatorrizko hizkuntza edozein dela ere.

Egileen identifikazioa

Egiletzak formatu hau izan behar du sinatzaile bakoitzarentzat:

• Izen-abizenak
• Afiliazio instituzional osoa (unibertsitatea, fakultatea, saila ala institutua, hiria eta herrialdea)
• Harremanetarako helbide elektronikoa
• ORCID identifikatzailea (gomendatua, baina ez nahitaezkoa)

Kontsiderazio gehigarriak

Erreferentzia bibliografikoek APA estiloa jarraitu beharko dute.

Positiboki baloratuko da bibliografia berria eta egokia barneratzea.

Irudiek eta taulek zenbakituta egon beharko dute, izenburuak jarrita, eta dagokion iturriarekin batera.

Arau horietara egokitzen ez diren artikuluak ebaluazio-prozesua hasi aurretik itzuli ahal izango dira, zuzentzeko.

Argitalpen-prozesua eta ebaluazio-sistema

Jasotako ekarpen guztiek argitalpen-prozesu bat izango dute, erabakiak hartzerakoan zorroztasuna, gardentasuna eta inpartzialtasuna bermatuko dituena. Prozesu horrek hainbat fase ditu.

Behin artikulua jasota, zuzendaritzak eta batzorde mistoak atariko ebaluazio editoriala egingo dute. Bertan, testua aldizkariaren gaira egokitzen den, baldintza formalak betetzen diren eta lanaren kalitate orokorra baloratuko da. Fase honetan, kanpoko berrikusketari ekin aurretik, alderdi formalak zuzentzeko eskatu ahal izango zaio egileari.

Lehen fase hori gainditzen duten artikuluak parekoen artean ebaluatuko dira, itsu bikoitzaren sistemaren pean. Sistema horretan, egileek eta ikuskatzaileek ez dute beren nortasunen berri izango. Berrikusleak hautatzeko, kontuan hartuko dira artikuluaren gai zehatzetan duten espezializazioa eta inpartzialtasun-irizpideak, zein gaitasun zientifikoa.

Oro har, artikulu bakoitza bi berrikusleek ebaluatuko dute, gutxienez bat kanpokoa. Jasotako txostenen artean desadostasun esanguratsurik egonez gero, hirugarren txosten bat eskatu ahal izango da. Argitalpenari buruzko azken erabakia aldizkariaren zuzendaritzari dagokio, batzordearen gomendioak eta ebaluazio-txostenak kontuan hartuta.

Ebaluazio-irizpideak

Artikuluak irizpide hauen arabera baloratuko dira:

• Landutako gaiaren originaltasuna eta garrantzia.
• Argumentuen zorroztasun metodologikoa eta sendotasuna.
• Azalpenen argitasuna, egitura eta hizkuntzaren egokitasuna.
• Ezagutzari laguntzea dagokion eremuan.
• Iturri bibliografikoen eguneratzea eta egokitasuna.
• Aldizkariaren arauetara egokitzea.

Egindako txostenek gomendio esplizitu bat jasoko dute: aldaketarik gabeko onarpena, aldaketa txikiekin onartzea, berrikuspen sakona ebaluazio berriarekin, edo ukatzea.

Ebaluazio-protokolo zorrotza, gardena eta epeak zehaztuta dituena aplikatuko da, FECYTen kalitate-jarraibideen arabera.