Pastizales y prados en Navarra: descripción, tipificación y ecología

Laburpena

Ikertutako lurraldeak, Nafarroak, 10.391 km2 ditu eta Iberiar penintsulako iparerdigunean kokatzen da.

Nafarroako lurraldean agertzen den larre eta belardien aniztasuna ulertzeko asmoz, eremuaren deskribapena egin dugu lehenik: geografia, geologia, bioklimatologia eta biogeografia. Bioklima epela da lurraldearen iparraldean, eta mediterraneoa hegoaldean, tenperatura eta prezipitazioen aldetik aldakortasun handia agertzen delarik. Horrela, sei termotipo (meso- eta supramediterraneoa alde batetik, eta meso-, supra-, oro- eta krioro-epela bestetik), eta sei onbrotipo (semi-idorretik,  ultrahiper-hezera) bereizten dira. Zortzi unitate biogeografiko deskribatu dira lurraldean: Eskualde Eurosiberiarrean, Azpisektore "Ekialdeko Euskotarra"  eta "Nafar-Arabarra" (Sektore Eusko-Kantauriarrean biak), eta Sektore "Erdi-Piriniarra"  eta "Prepirinearra"; Eskualde Mediterraneoan, Sektore Gaztelar-Kantauriarra,  Somontanoarra, Errioxarra eta Bardeetar-Monegrotarra.

Landaredia metodo fitosoziologikoa erabiliz ikertu da. Zerrenda sintaxonomikoan 69 landare-asoziazio eta komunitate daude, 11 klase fitosoziologikotan sailkatuak: Kobresia myosuroides-ekiko komunitate krioroepelak (Carici-Kobresietea),  oroepeleko eta supraepeleko landaredi kionofiloa ((Kobresio-Seslerietea), oroepeleko komunitate azidofilo eta xerofiloak (Caricetea curvulae), oroepeleko eta supraepeleko larre mesofiloak (Nardetea strictae), oroepeleko, supraepeleko eta supramediterraneoko landaredi xerofiloa (Festuco-Ononidetea), krasulazeo kamefitoz osatutako komunitate eurosiberiar eta mediterraneoak (Sedo-Scleranthetea), larre meso-xerofilo eurosiberiar eta mediterraneoak (Festuco-Brometea), sega-larreak eta hezegunetako belardi eurosiberiar eta mediterraneoak (Molinio-Arrhenatheretea), Poa bulbosa-k osatutako larreak (Poetea bulbosae), landare terofitoen komunitate eurosiberiar and mediterraneoak (Tuberarietea guttatae) eta larre lehor mediterraneoak (Lygeo-Stipetea).

Ikerketa floristikoaren emaitza modura, 1516 taxoiek osatzen duten landare katalogoa landu dugu, gehienak larre eta belardietan agertu ohi direnak. Bildutako landareei buruzko informazioa eta zita bibliografikoak ere gehitu ditugu.