Etb-1 ispiluan: programazioa eta edukia

Resumen

Artikulu honetan, Euskal Telebistaren lehen kanalaren programazioa bere osotasunean eta bertan aurkitzen diren programen edukiak aztertzen dira. Izan ere, programa-eskaintzan eta hauen edukietan ageri diren elementuen bidez jakin daiteke zelakoa den ikuslegoari eskaintzen zaion Euskal Herriaren errepresentazioa. Hedabideek identitate kolektiboa sortu eta osatzerakoan duten zereginean, edukiek ematen duten informazioa aprobetxatu nahi izan dugu. Horretarako, programazio parriletan aurkitu daitezkeen genero desberdinak eta Kirolak, Albistegiak, Fikzioa eta gainontzeko generoen edukietan barrena aritu gara ageri diren pertsonaiak, lekuak, ekintzak eta gaiak nolakoak diren jakin guran.