Ahozkotasunaren balio pragmatikoa ipuin kontaketan. Koldo Amestoy kontalariaren zenbait ipuinen azterketa

Laburpena

Haurrei ipuinak kontatzea oso garrantzitsutzat jo izan da, baita hezkuntza formalean ere. Lan honetan ipuinak kontatzean edota irakurtzean erabiltzen diren ahozko teknikak ikertu dira, hurbilpen teoriko-praktikoa eginez eta grabatutako ipuinen corpusa aztertuz. Corpus hori osatu da Koldo Amestoy ipuin kontalari ezagunaren hiru ipuinekin, eta bertan erabiltzen dituen abiada, eten kopurua, bolumena eta intonazioa aztertu dira. Horiek irizpide teoriko batzuen arabera corpusean aurresan dira. Ondoren, entzunaldien bitartez, azaldu da irizpide horiekin bat etorri den edo ez; bat etorri ez diren kasuetan komunikazio estrategien bidez deskribatuz. Horrela, irakasleak estrategiak ipuin kontaketan erabil ditzake, ipuin kontaketa askoz esanguratsuago bihurtuz.