Riesgos, daños y vulnerabilidad online: Reflexiones sobre la información para la política de seguridad de los menores en Internet

Laburpena

Hamarraldi bat edo gehiago eman du ikerkuntzak adingabekoek Interneten aurkitzen dituzten aukera eta arriskuak aztertzen. Hori kontuan izanik, eremu oso eztabaidagarri batean politika sustatzeko informazio-base baten sorrerak dakartzan ekarpen eta erronkak aztertzen ditu artikulu honek. Hala, EU Kids Online egitasmoa —adingabekoen Interneten erabilera 25 herrialdetan aztertzen duen ikerlan garrantzitsu bat— oinarri harturik, analisi kritiko bat eta  emaitza berriak eskaintzen ditu. Arriskua (probabilitatearen eta kalte-mailaren arabera neurtzen dena) eta kaltea bera argi bereiziz, online dabiltzan adingabekoen arriskuen inguruko ikerketak zein politikak kaltea —eta, ondorioz, arriskuak ere— neurtzeko arazo espezifikoak jasaten dituzte. Halaber, arazo gehiago sortzen dira aukera, arrisku onartze, erresistentzia eta zaurgarritasunaren arteko interdependentziatik. Zailtasun horiek aintzat hartu behar dira sarri-askotan eztabaida polarizatzen duten jarrera hertsiak gainditu nahi baldin baditugu.