La naturaleza del cine de no ficción: Carl. R. Plantinga y la herencia pragmatista del signo

Laburpena

Azken urte hauetan ez-fikziozko zinemaren ekoizpenean eta ikerketan goraldia bizi izan da. Hala ere, ez dago ahobatekotasunik ez definizioan ez eta generoaren ezaugarriak zeintzuk diren esateko orduan ere. Lan honen helburua gai honetaz Carl R. Plantingak egin zuen proposamenarekin jarraitzea da, funtsean Rethoric and Representation in Nonfiction Film izeneko liburuan azaldu zuena. Abiapuntua hau izanik, artikuluak bere lanaren sustrai filosofikoak aztertzen ditu eta Charles Sanders Peirce-ren zeinuaren sailkapen triadikoa ez-fikziozko zinemari aplikatzean sakontzen du. Azkenik, lan honek zera utzi nahi du agerian, ez-fikziozko zinemaren izaera indexikalaren eraginkortasuna erabilgarria da, baldin eta ez bada zeinuaren beste bi dimentsioetatik –ikonikoa eta sinbolikoa– bereizten.