ZER. Komunikazio ikasketen aldizkariaren arautegia

 1.- Printzipioak eta helburuak

ZER aldizkaria sei hilean behin argitaratzen da, eta bere helburua da Gizarte Komunikazioaren arloan egiten diren lan zientifikoak ikertzea eta zabaltzea. 

2.- Organoak

ZER aldizkariaren gobernu organoak dira Argitalpen Kontseilua, Erredakzio Kontseilua eta Aholku Kontseilua. 

2.1.- Argitalpen Kontseilua 

2.1.1.- Argitalpen Kontseiluak kide hauek izango ditu:

• Gizarte eta Komunikazio Zientzien Fakultateko dekanoa, kontseiluko burua ere izango dena. Dekanoa gaixorik badago, luzarorako kanpoan, edo bestelako arrazoi justifikaturen bat dagoenean, dekanotza taldeko bere kide batek ordezkatuko du edota dekanoak horretarako izendatuko duen pertsonak.
• Aldizkariko editorea.
• Aldizkariko ko-editorea.
• UPV/EHUko Gizarte eta Informazio Zientzien Fakultateko Kazetaritza saileko eta Ikus-entzunezko Komunikazioa eta Publizitatea saileko kontseiluek izendatutako ordezkariak, sail bakoitzetik bat. 
• Fakultateko beste jakintza arloetako bateko ordezkaria.
• Gizarte Komunikazioaren arloko ikerketan ospea duten beste lau pertsona, UPV/EHUkoak ez direnak. 

2.1.2. Hauek dira Argitalpen Kontseiluaren eginkizunak:

• Argitalpen Kontseiluko Editore eta Ko-editore karguetarako sailek egindako proposamena berrestea, 2.2.1 puntuan adierazten den moduan.
• Aholku Batzordeko kide izateko gaitasuna eta prestutasuna duten ikertzaile eta adituen izenak proposatzea editoreei.
• Aholku Batzordeko kideak eta UPV/EHUkoak ez diren Erredakzio Kontseiluko kideak izendatzea.
• Aldizkariaren ildo akademiko eta zientifikoa zehaztea.
• Aurrekontuak onartzea eta aldizkariaren kudeaketa kontrolatzea. 
• Argitaratutako zenbakien jarraipena eta ebaluazioa egitea.
• Aldizkariaren edukiei buruzko aholkuak ematea zenbaki bakoitza prestatu aurretik, eta gai monografikoak edo bestelako argitalpen ekimenak proposatzea, beharrezko ikusiz gero.
• Artikuluak berrikustea, horiek aldizkarian argitaratzeko egokitasunari buruzko zalantzak sortzen direnean.
• Jatorrizko lanak onartu eta argitaratzeko arauak ezartzea, bai eta lan horietan aldaketak egitekoak ere.
• Editoreari laguntzea aldizkaria kudeatzen eta editatzen, materialak biltzen, laguntzaileak bilatzen, finantzaketa iturriak lortzen, eta publizitatea zein trukeak egiten.

2.1.3.- Aldizkariaren Argitalpen Kontseilua sei hilean behin bilduko da gutxienez, eta Argitalpen Kontseiluko buruak edo editoreak deitzen duen guztietan, bai eta kideen heren batek eskatzen duenean ere.

2.2.- Editorea

2.2.1.- ZER aldizkariko zuzendaria irakasle doktore bat izango da, UPV/EHUko Gizarte eta Komunikazio Zientzien Fakultateko Kazetaritza saileko eta Ikus-entzunezko Komunikazioa eta Publizitatea saileko kontseiluen proposamena ikusi ondoren izendatuko dena modu txandakatuan.

2.2.2.- Hauek dira zuzendariaren eginkizunak:

• Aldizkaria kudeatzea, Erredakzio Kontseiluaren bidez, Argitalpen Kontseiluak lagunduta, eta kontseilu horrek emandako jarraibideen arabera.
• Aholku Kontseiluko kideen eta Erredakzio Kontseiluko kideen izenak proposatzea Argitalpen Kontseiluari.
• Aldizkariak jasotako liburuen eta azken produktuen gaineko berri laburrak idazteko eskatzea Gizarte Komunikazioaren arloko eta kideko arloetako ikertzaileei.
• Aldizkariaren funtzionamendu eta emaitzei buruzko txostena helaraztea urtero Argitalpen Kontseiluari.
• Aldizkarirako egindako ekarpenen eta lanen argitalpena egiaztatuko duten agiriak ontzat eman eta sinatzea.
• Aldizkariaren ordezkaria izatea beharrezkoa den foro eta egoera guztietan.

2.2.3.- Aldizkariko Editorea Argitalpen Kontseiluak berretsiko du, irakasle doktoreen artetik, 2.2.1 puntuan adierazitako moduan. Agintaldia lau urtekoa izango da. Zuzendaria luze badago gaixorik edo kanpoan, Argitalpen Kontseiluak haren ordezkoa izendatzeko tramiteei ekingo die, izan ordezkapena aldi baterako izan behin betiko. Edonola ere, estatutu hautetan aipatutako prozedura errespetatuko da.

2.2.4.- Aldizkariko zuzendariak ez du erantzungo inolako presioen aurrean; ez kargu edo agintari batenak, ez artikuluaren edukien egunerokotasun edo interesari lotutakoak, ez hizkuntzari dagozkionak, ezta bestelakorik ere. Bere betebeharra izango da defendatzea argitaratzeko eskubidea, amore eman gabe eta salbuespenik egin gabe.

2.3.- Aldizkariaren Ko-editorea 

2.3.1.- Aldizkariaren Ko-editorea UPV/EHUko Gizarte eta Komunikazio Zientzien Fakultateko irakasle doktore bat izango da, Kazetaritza sailari edo Ikus‑entzunezko Komunikazioa eta Publizitatea sailari atxikia.  Zuzendaritza aldaketa eta aldizkariaren jarraitutasuna errazteko, idazkari lanetan, oro har, lau urte egin dituen irakaslea izango da hurrengo

2.3.2.- Hauek dira Aldizkariaren Ko-editorearen eginkizunak:

• Jatorrizko lanak jaso eta aldizkariaren idazketa arauekin bat datozela egiaztatzea; Argitalpen Kontseiluko kideei bidaltzea, ebalua ditzaten, zuzendariaren jarraibideak betez; eta egileei jakinaraztea beren proposamenak onetsi ala ezetsi egin diren.
• Aldizkariaren diseinu eta inprimaketa prozesua gainbegiratzea eta koordinatzea, bai eta aldizkariaren Interneteko edizioa ere.
• Aldizkariaren artxiboa eta datu baseak kudeatzea.
• Zuzendariari laguntzea aldizkariaren komunikazio, kudeaketa eta administrazio lanetan.
• Argitalpen Kontseiluko idazkariak zuzendaria ordezkatuko du azken hori gaixorik dagoenean, kanpoan aldi baterako, edo ordezkatu beharra justifikatzen duen bestelako arrazoi iragankorren bat dagoenean. Egoera luzatuko balitz, idazkaria aukeratzeko prozedurari ekingo lioke Argitalpen Kontseiluak, estatutu hauetan adierazitakoaren arabera.
• Argitalpen Kontseiluko idazkariak organo horrek egindako bileren akta egingo du, eta aktaren kopia helaraziko die kide guztiei. Kideek 30 eguneko epea izango dute, aktaren kopia bidaltzen denetik hasita, alegazioak egiteko eta/edo akatsak zuzentzeko. Erabakiak hartu diren kontseiluaren hurrengo bileran aurkeztuko dira akta horiek, behin betiko onartzeko.

2.4.- Argitalpen Kontseiluko idazkaria eta Erredakzio Kontseiluko idazkaria 

2.4.1.-Argitalpen Kontseiluko idazkaria UPV/EHUko Gizarte eta Komunikazio Zientzien Fakultateko irakasle edo ikertzaile bat izango da, Kazetaritza sailari edo Ikus‑entzunezko Komunikazioa eta Publizitatea sailari atxikia.

2.4.2.- Hauek dira Aldizkariaren idazkariaren eginkizunak:

• Aldizkariaren artxiboa eta datu-baseak kudeatzea.
• Aldizkariaren komunikazio- kudeaketa- eta administrazio-lanetan laguntzea.

2.5.- Erredakzio Kontseilua

2.5.1.- Erredakzio Kontseiluak kide hauek izango ditu: aldizkariaren zuzendaria, idazkaria eta Gizarte Komunikazioaren arloko ikerketan ospea duten bi pertsona, UPV/EHUkoak izango ez direnak. 

2.5.2.- Hauek dira Erredakzio Kontseiluaren eginkizunak:

• Artikuluen argitalpena gomendatzea edo ezestea (aldaketekin edo aldaketa gabe), kanpoko ebaluatzaileen emaitzak eskuratu ondoren.
• Gaiak proposatzea ale monografikoetarako, Argitalpen Kontseiluak onartu beharko dituenak.
• Beharrezkoak izan daitezkeen itzulpenak eskatzea.
• Ebaluazio ziurtagiriak bidaltzea ebaluazio lanak egin dituzten pertsona guztiei.

2.5.3.- Erredakzio Kontseiluak aholkularitza emango dio Argitalpen Kontseiluari aldizkariaren ildo akademikoari eta zientifikoari lotutako gaietan, ahalik eta eraginkortasun handienarekin erantzuteko Gizarte Komunikazioaren arloko ikerketa eskaerei nazioartean. 

2.6.- Aholku Kontseilua

2.6.1.- Aldizkariaren Aholku Kontseilua osatuko dute Gizarte Komunikazioaren arloan nazioartean ospea duten adituek, ZERekin lotura instituzionalik izango ez dutenek.

2.6.2.- Aldizkariaren Argitalpen Kontseiluak izendatuko ditu Aholku Kontseiluko kideak.

2.6.3.- Aholku Batzordeko kideek argitalpenaren zorroztasun akademikoa zainduko dute. Argitalpen Kontseiluak eta Erredakzio Kontseiluak haiengana jo ahal izango dute orientazio eske eginkizunak aurrera eramateko eta, horrela, Gizarte Komunikazioaren arloko ikerketa, azterketa eta eztabaida gaien kalitatea, zabalkundea eta helmena hobetzeko.

3.- Edizioa

3.1.1- ZER aldizkaria UPV/EHUko Gizarte eta Komunikazio Zientzien Fakultateak emango du argitara. 

3.1.2.- Aleen argitalpen materiala, kudeaketa, biltegiratzea eta banaketa UPV/EHUko Argitalpen Zerbitzuak egingo du. Aldizkariaren zuzendariak helaraziko dizkio zerbitzu horri inprimatzeko prest dauden zenbakiak.

3.1.3.- Aldizkaria argitaratuko da UPV/EHUko Argitalpen Zerbitzuaren aldizkariak argitaratzeko araubide orokorrari jarraituta.

3.1.4.- Webgunearen edukiak eta aurkezpena aldizkariaren zuzendariaren ardura izango dira, Argitalpen Kontseiluak baimena eman ondoren.

3.1.5.- ZER aldizkariaren online bertsioaren ardura eta kudeaketari dagokienez, kontuan hartu beharko dira UPV/EHUko Argitalpen Zerbitzuaren eta ZER aldizkariko Argitalpen Kontseiluaren arteko akordioak. Argitalpen Kontseilua bere buruak ordezkatuko du halakoetan.

3.1.6.- Fakultateak eta Kazetaritza eta Ikus‑entzunezko Komunikazioa eta Publizitatea sailek ordainduko dituzte aldizkariak sortutako gastuak.

4.- Arautegia aldatzea

Aratuegiko edozein puntu aldatzeko, gehiengo soila beharko da; eta horien artean egon behar dira Argitalpen Kontseiluko burua, editoreak eta idazkaria.