Konposatu kannabinoideen analisia matrize biologikoetan: odola, plasma, gernua, listua eta ilea

Laburpena

Cannabis Sativa edo marihuana, Europar Batasunean gehien kontsumitzen den legez kanpoko droga da. $\Delta$9-THC-a, Cannabis Sativaren osagai nagusiaren efektu psikoaktiboak istripu edota ondorio latzen eragile izan daitekeenez, beharrezkoa gertatzen da Cannabis Sativa noiz eta zenbat kontsumitu den jakitea edozein istripu ikerketa batean argibideak izateko. Egun, uneko analisi azkarrak jasotzen ahalbideratzen duten detektagailuak erabili daitezkeen arren, beharrezkoak gertatzen dira matrize biologikoetan $\Delta$9-THC-aren analisi zehatz eta sentikorrak ahalbidetzen dituzten analisi metodoen garapen eta erabilera. Lan honetan beraz, Cannabis Sativaren osagai psikoaktiboen eta beraien metabolitoen analisia egiteko hainbat analisi metodo laburbiltzen dira lau lagin biologikotan: odolean, gernuan, listuan eta ilean hain zuzen ere.