Ur hotzeko murgilketa kirol errekuperazioa metodo gisa

Laburpena

Kirolariengan entrenamenduen edota txapelketen osteko errekuperazio desegokiak estres fisiologiko handia, gainkarga sintomak eta nekea eragin ditzake, errendimendua gutxituz. Hori dela eta, eguneroko entrenamenduak ziurtatzeko eta lesionatzeko arriskuak murrizteko, fisioterapian hainbat agente fisiko erabiltzen dira errekuperazio metodo gisa, hala nola, hidroterapia. Hidroterapian hainbat modalitate erabili daitezke ur hotzeko murgilketak, besteak beste. kirol munduan ur hotzeko murgilketa errekuperazio metodo ezagunenetarikoa eta erabilienetakoa da eta denbora labur batez beheko gorputz-adarrak ur hotzean murgiltzean oinarritzen da. Ikerketa asko egon arren, bere efektuak ez daude argi eta kontraesanak daude. Lan honetan, lehenengo, hidroterapiaren printzipioen laburpen bat egiten da eta, ondoren, ur hotzeko murgilketaren kontraindikazioak, erabilpenak eta efektuak azaltzen dira, betiere kirol errekuperazioaren ikuspegitik.