FODMAP urriko dieta eta haien erabilgarritasuna hesteko gaixotasunen maneiuan

##plugins.themes.bootstrap3.article.main##

##plugins.themes.bootstrap3.article.sidebar##

Argitaratua 29-10-2020
Gesala Perez-Junkera Arrate Lasa Jonatan Miranda Virginia Navarro Edurne Simón Idoia Larretxi Olaia Martinez Marian Bustamante Itziar Txurruka Maialen Vázquez-Polo

Laburpena

FODMAPak, modu naturalean esnekietan eta landare jatorriko zenbait elikagaitan aurki daitezkeen konposatuak, zenbait heste-gaixotasunetako sintomekin erlazionatu dira. Kate laburreko karbohidrato hartzigarri hauek zuntzaren antzeko efektuak eragiten dituzte, ur-atxikipena eragiten dute eta koloneko mikrobiotak hartzitzen dituzte, kate laburreko gantz azidoak eta gasak sortuz. Azken urteetan egin diren ikerketetan ikusi da FODMAP-kontsumoak beherakoa eta flatulentzia moduko sintomak eragiten dituela heste-funtzioaren aztoratzea duten gaixotasunetan, heste narritakorraren sindromean, hesteetako hanturazko gaixotasunean eta zeliakian esaterako. Horregatik, FODMAP urriko dieta eraginkorra dela ikusi da gaixotasun horien maneiuan, baina dietaren ezarpena zaila da. FODMAPen iturri diren elikagai asko murriztearen ondorioz, dieta desorekatu eta gabezia nutrizionalak ager daitezke, eta beraz, dietaren maneiu egokirako dietista-nutrizionista baten kontrola ezinbestekoa da. Nahiz eta dieta epe laburrean heste-sintomak murrizteko eraginkorra izan, epe luzera dituen ondorioak jakiteko ikerketa gehiagoren beharra dago, dieta oso murriztailea izan baitaiteke.

Abstract 220 | PDF Downloads 209

##plugins.themes.bootstrap3.article.details##

Keywords

Fermentable Oligosaccharides, Disaccharides, Monosaccharides and Polyols (FODMAP), dieta, elikagaiak, heste-sintomak, heste narritakorraren sindromea (HNS), hesteetako hanturazko gaixotasuna (HHG), zeliakia, glutenarekiko sentikortasun ez zeliakoa (GSEZ)

Atala
Ale Arrunta