Konposatu metal-organikoen sintesia laborategitik industriako aplikazioetara

Laburpena

Konposatu metal-organikoen propietate interesgarriak direla eta, azken hiru hamarkadetan material horien ikerketak iraultza handia izan du. Ikerketa-taldeek zein industriak jarri ditu MOFen aplikazio posibleak ikerketaren jomugan. Horregatik, laborategitik industria-mailako ekoizpenera igarotzeko modua ikertzea oso garrantzitsua da ehungintzan eta garraiobideen eta elikagaien industrian. Testuinguru horretan, artikulu honek laborategi-mailako sintesitik industriako ekoizpen handiko sintesira igarotzeko kontuan hartu beharreko faktoreak argitu eta eskala handian produzitutako MOFen lehen aplikazioak aurkeztu nahi ditu.