Naturaren kume ezkutuak

Laburpena

Artikulu honetan zulo beltzak ditugu aztergai. Astro bitxi horiek behar bezala ulertzeko erlatibitate orokorra ezinbestekoa denez, artikuluaren lehen orrietan teoria horren inguruko ideia nagusienak aztertzen dira. Segidan, izarren heriotza hartzen da hizpide. Izar handienak zulo beltz bihurtzen direla ikusiko dugu. Zulo beltzek dauzkaten hainbat ezaugarri harrigarri ere lantzen dira artikuluan. Atal horretan zulo beltzen lurrinketak hartzen du lekurik garrantzitsuena. Bertan, kuantikaren oinarrizko kontzeptu batzuk azaldu ostean, zulo beltzak ez direla hain beltzak erakusten da. Azkenik, singularitateen mundu ilunean murgilduko da irakurlea. Dauden argi-izpi bakan horien atzetik joaten saiatuko gara, eta ameslarienentzat, denbora-makinen inguruko xehetasun batzuk ere landuko dira.