Sudokua: denbora-pasa edo Zientzia?

Laburpena

Testu honetan, sudoku munduaren atea zabaldu nahi dugu, bai jokua fenomeno modura ikusita, bai eta jokuak Zientzarekin eta bereziki Programazio Matematikoa, Konbinatoria eta Talde Teoria arloekin duen loturaren aldetik. Zein ote da jokoaren konplexutasun konputazionala? Ekuazio-sistema sinple baten bidez adieraz ote daiteke sudokua? Zenbat denbora beharko du programa batek sudoku bat ebazteko? Ba al dago munduan zailena den sudoku bat? Zenbat soluzio daude? Ezagutzen da beharrezkoa den sarrera kopuru gutxienezkoa? Galdera hauek erantzuten saiatuko gara, gaur egungo logikan oinarritutako denbora-pasa honen zaletasunean eta ikerkuntza mailan sortutako interesari erreparatuz.