Trenbide-ardatzen eta bogien saiakuntza-bankua

Laburpena

Artikulu honek UPV/EHU-ko Ingeniaritza Mekanikoa sailean diseinatu eta eraikitako roller-rig edo bogien saiakuntzarako bankua erakusten du. Saiakuntza-bankuaren trenbide zabalera 5"-koa da. Eskala hau aukeratzearen arrazoia merkatuan eskala bereko osagaiak aurkitzeko erraztasuna da. Artikuluan, hainbat laborategi, ikerketa-zentro, unibertsitate eta trenbide-sektoreko enpresetan dauden ardatz, bogie eta trenen saiakuntza-bankuen azterketa konparatiboa egiten da. Horrez gain, saiakuntza-banku horien aplikazio-eremua, prestazioak eta mugak aztertzen dira. Ikasketa konparatibo horren helburua, artikulu honetan deskribatzen den saiakuntza-bankuaren ezaugarri eta prestazioak mugatzea da. Bestalde, egindako proiektua deskribatzen da, hautatutako osagaiak eta horien justifikazioa aurkeztuz, beti prezioa beharrezko ezaugarri eta prestazioekin uztartuz.