siRNA bidezko gene-isilpena: mekanismoak, estrategiak eta aplikazio klinikoak: Therapeutic Applications of Interference RNA

Laburpena

Interferentziazko RNA, sarritan RNAi gisa laburtuta, eukarioto ugaritan aurkitzen den kate bikoitzeko RNA (dsRNA) molekula hartuta transkripziozko geneak isilaraztea eragiten duen prozesu biologikoa da. Gene jakin batzuen espresioa ezabatzeak garrantzi handia du zelula garatzeko eta desberdintzeko, eta horrek garrantzi handia edukiko du minbiziaren eta birusen aurkako defentsan. Gaur egun, interferentziazko RNAk nahiz eta duela gutxi aurkitutako molekulak izan, laborategietan erabilera terapeutikoan gero eta gehiago erabiltzen ari diren biologia molekularreko erreminta garrantzitsuak bilakatu dira. Ildo horretatik, RNAi-k emaitza itxaropentsuak erakutsi ditu ikerketa klinikoetan, horien artean infekzio birikoetan, neuroendekapenezko gaixotasunetan edo minbiziaren tratamenduan.