“Eugenoletik eratorritako poliesterrak: sintesiaren optimizaziotik depolimerizazioraino, kimika jasangarriaren bidean aurrerapauso bat

Laburpena

Iraunkortasunean eta ingurumenaren kontserbazioan gero eta garrantzi handiagoak aldaketa esanguratsua eragin du materialak sintetizatzeko eta erabiltzeko moduan. Aldaketa horretan etorkizun handiena duen eremuetako bat biooinarrituak diren poliesterrak (PE) garatzea da, petroliotik eratorritakoei aukera jasangarriagoa eskaintzen dietenak. Lan honetan, poliesterrak (PE) sintetizatu dira konposatu natural batetik biatuz, eugenoletik hain zuzen. Disolbatzerik gabeko metodologia erabili da, eta, bost katalizatzaile desberdinen eraginkortasunaren alderaketa burutu da. Lortutako polimeroak ezaugarritu dira hainbat teknika erabiliz, besteak beste, erresonantzia magnetiko nuklearra (EMN) eta Gel Permeazio Kromatografia (GPK) bidez. Gainera, PE sintetizatuen propietate termikoak Ekorketazko Kalorimetria Diferentzialaren (EKD) eta Analisi termograbimetrikoaren (ATG) bidez aztertu dira. Azkenik, nahiz eta jatorrizko monomeroaren berreskuratze zuzena lortu ez den, frogatu da materialen degradazio kimikoa posible dela, honek hondakinen pilaketa murrizteko duen garrantzia nabarmenduz.