Kimikako erreakzioen irakurbidea eta idazkera

Abstract

Kimikako formulazioak, ahozko irakurketa bi har ditzake. Lehenengoa, konposatuen nomenklaturarako arauetan oinarriturik dago eta bigarrena, ikurren letraz letrako irakurketa da. Nomenklaturaren araberako irakurketak erabat arruntak diren izenak eskaintzen dizkio euskal joskerari; letraz letrako irakurketak ere euskal joskeran nolabait txertatu beharko diren izenen antzerako zatiak sortuko ditu. Batzuek eta besteek hainbat arazo azaltzen dituzte testuetan eta erreakzioen adierazpideetan. Arazoak idatzizko mailan ez ezik ahozko mailan ere sortzen dira. Izan ere, batzuetan euskararen egitura naturalak irakurtzeko beharra sortzen da, eta areago, askotan egitura naturalak artifizialtzat jo izan direnekin batera erabiltzeko ohitura handia dago Kimikaren hainbat esparrutan.