Silikazko nanopartikula mesoporotsuak biomedikuntzan

Resumen

Silikazko nanopartikula mesoporotsuak (MSNak) aurreko mendetik ezagutzen diren arren, azkeneko hamarkadan arreta handia bereganatu dute. Material mota hauen propietateak (hala nola, poro-bolumen zein gainazaleko eremu handiak) biomedikuntzaren arloan ikertzeko bereziki aproposak izatea eragin du. Gainera, propietate horiek moldakorrak dira, eta horrek, gaur egungo biosistemen aldean abantaila handiko konposatuak izatea eragiten du. Bestalde, MSNak optikoki gardenak, kimikoki geldoak, mekanikoki egonkorrak eta nahiko biobateragarriak dira. Hori dela eta, artikulu honek nanopartikula hauen propietateak azaltzea eta biomedikuntzaren arloan zentratzea du helburutzat. Azken arlo honetan, gaur egun arteko aplikaziorik aztertuenak azalduko dira; alde batetik, agente terapeutikoen garraioa, eta bestetik, bioirudiak.