Efektu kuantikoak nanoplasmonikan: Quantum effects in nanoplasmonics

Laburpena

Lan honetan, nanopartikula metaliko txikien erantzun plasmonikoan eragina duten fenomeno kuantikoak aztertuko ditugu. Lehenik eta behin, plasmonikaren oinarriak elektromagnetismo klasikoaren ikuspuntutik azalduko ditugu, eta horretarako Maxwell-en ekuazioak, Drude-ren eredua eta nanopartikula esferikoetan kitzikatutako plasmoi-erresonantziak deskribatuko ditugu. Bigarrenik, denboraren menpeko dentsitate-funtzionalaren teoria aurkeztuko dugu, elektroien dinamikaren izaera kuantikoa deskribatzeko erabilgarria den teoria. Azkenik, nanopartikula metaliko txikien erantzun plasmonikoan eragin nabarmena duten fenomeno kuantiko nagusiak aztertuko ditugu, hala nola elektroi-dentsitatearen gainazaleko isurpena, gainazalak ahalbidetutako Landau indargetzea eta elektroien tunel-efektua.