Aurrerapenak hari bidezko fabrikazio gehigarriko ereduetan

Laburpena

Lan honetan hari bidezko fabrikazio gehigarriko prozesuen (WAAM eta DED) modelaketa aztertzen da multieskala ikuspuntutik, prozesuaren ulermen osoa lortzeko mikro, meso eta makroeskalen arteko elkarrekintza kontuan hartuz. Nahiz eta eskala guztiek duten garrantzia nabarmendu, lanaren ardatza mesoeskalan jartzen da, kordoien sekzio-geometria, galda-bainuaren portaera eta tenperatura-banaketa lokalak erabakitzen baitituzte prozesuaren emaitzak. Mesoeskalan erabilitako eredu desberdinak aztertzen dira: formulazio analitikoak, oreka termo-kapilarrean eta grabitatorioan oinarritutako ereduak, fisika sakonean oinarritutako ordenagailuzko jariakinen dinamika (CFD) simulazioak eta azken urteotan garatutako datuetan oinarritutako machine learning (ML) eta eredu hibridoak. Azterketa horren bidez erakusten da CFD ereduak direla akademikoki egokienak fisika sakon eta koherentea jasotzeko, nahiz eta kalkulu-kostu handia duten; aldiz, MLean oinarritutako hurbilketek konputazio-efizientzia eta aplikagarritasun handiagoa dute industria testuinguruan. Mikroeskalaren ikuspegitik, solidifikazio-fenomenoen azalpena txertatzen da, eta makroeskalan, beroaren hedapenak eta distortsioen bilakaerak duten garrantzia azpimarratzen da. Azkenean, prozesua modu integralean ulertzeko, hiru eskalen arteko datuen transferentzia eta bateragarritasuna funtsezkoak direla ondorioztatzen da.