Mutrikuko olatu zentralaren azterketa eta potentzia maximoko puntuaren jarraipena

Resumen

Susperraldian dauden energia iturri berriztagarri berriak berebiziko garrantzia izatera iritsi dira gaur egungo gizartean. Petrolioarekiko menpekotasuna eta berotegi efektua direla medio, energia lortzeko bide berriak miatu beharra nabarmendu da. Ozeanoek eta itsasoek energia kantite handia pilatzen dute bere baitan. Hala ere, gizakia oraindik ez da gai izan energia honetaz egokiro baliatzeko. Ur-zutabe oszilatzailean oinarritutako metodoa da gaur egun itsasotik energia ateratzeko sistema guztien artetik gehien ikertuenetako bat. Alabaina, lorturiko efizientzia baxuek zaildu egiten dute teknologia honen erabilera. Gaur egungo kontrol-metodo berriek, aldiz, efizientzia hau hobetzea ahalbidetzen dute. Metodo hauen artean badago potentzia maximoko puntuaren jarraipena, batez ere energia eolikoan asko erabilia.