Sarera konektatutako bihurgailuen erantzuna hutsune bifasikoen aurrean

Laburpena

Energia berriztagarrien integrazioa funtsezkoa da helburu klimatikoak betetzeko, baina berriztagarriek sorgailu sinkrono konbentzionalak ordezkatzen dituzten heinean, sistemaren inertzia eta indarra murriztu egiten dira, eta ondorioz egonkortasun-arazoak sortzen dira . Hori dela eta, sarearen konexio-kodeek energia berriztagarrien bihurgailuek babes-funtzioak betetzea eskatzen dute. Lan honek bihurgailuen kontrolak aztertzen ditu, batez ere tentsio baxuetan jarraitzeko gaitasunaren beharrak asetzeko. Sare desorekatuetan funtzionatzeko kontrolen gaitasunak eta mugak aztertu dira, eta emaitzak Matlab-Simulink bidez simulatu dira. Bihurgailuen kontrol klasikoak hutsune bifasikoen aurrean funtzionatzeko gai direla ondorioztatu da, baina sare desorekatuetan beharrezkoa da kontrol bereziak inplementatzea sare-kodeen funtzionalitateak betetzeko.