Perpaus ardatza duten euskal perpaus erlatiboak

Laburpena

Artikulu honek erakutsi nahi du euskal perpaus erlatiboek ez dutela uste den adina murriztapen. Hauxe da aipatu izan diren haietako bat: euskaraz perpaus ardatza daukan perpaus erlatiborik ez dagoela, hots, beste hizkuntza batzuetan sentential relative clause delakoen bidez (“She gave us the evening off, which was a bit of a surprise”, “Nos dio la noche libre, lo que/lo cual fue una sorpresa”, “Elle nous a donné une soirée libre, ce qui était un peu une surprise”, etab.) adierazten dena ezin omen daitekeela euskaraz modu berean adieraz. Artikulu honek frogatuko du murriztapen hori ez datorrela bat errealitatearekin, baita agertuko ere zeintzuk diren perpaus bat ardatz duten euskal erlatibo motak.