Pikler-Lóczy pedagogiaren inguruko ekarpen zientifikoen berrikuspena

Abstract

Pikler-Lóczy hezkuntza-eredua haurtxoen eta haur txikien hazkuntza sakon aztertu duen pedagogia da. Eredu honen inguruan haurraren garapenean, autonomian, kalitatezko zaintzetan eta helduarekin harreman on bat izatean oinarritutako hezkuntza-sistema oso bat garatu da. Lehen haurtzaroarekin lanean jarduteko ezinbesteko eredua izanik, lan honen helburua Pikler-Lóczy pedagogiak inpaktu handiko ekarpen zientifikoetan duen presentzia aztertzea izan da, honek mundu akademikoan duen pisua aztertzeko asmoz. Emaitzek azken urteetan Pikler-Lóczy pedagogiaren inguruko ekarpenak modu esanguratsuan igo direla erakusten dute. Horrek, pedagogia honen inguruan maila akademikoan lan egin ahal izateko aukerak zabaltzen ditu.