Tejer como proceso y forma de pensamiento material: La red como lenguaje en el dibujo contemporáneo

Laburpena

Artikulu honek materialtasunari buruzko hausnarketa bat proposatzen du, erlazio-ikuspegia ardatz harturik, non ‘gorputza’, ‘objektuak’ eta ‘irudikapen-sistema plastikoak’ materialen, espazioen eta gorputzen arteko interakzio-sare konplexuetan elkartzen baitira. Jardunbide artistiko garaikideen eta pentsamendu materialari lotutako zenbait erreferentzia teorikoren azterketa abiapuntutzat hartuta, alderdi hauek aztertzen dira: ‘gorputza interfaze aktibo’ gisa, ‘ehuna pentsamenduaren egitura-eredu' gisa, eta ‘armiarma-sarea sistema interkonektatuen metafora pribilegiatu’ gisa. Era berean, jardunbide artistikoa bera eremu esperimental gisa aztertzen da, non nozio horiek gero marrazketan, instalazioetan eta haria baliabide plastiko gisa erabiltzean gauzatzen baitira. Testuak gorputzetik espaziorako trantsizioa artikulatzen du, eta proposatzen du forma bigunak eta ehun-sistemak bide kritikoa izan daitezkeela gaur egungo testuinguruan teknologiaren, pertzepzioaren eta sorkuntzaren artean dauden harremanak birpentsatzeko.