Sare sozialetako mezuei alderdi fonologikotik begiratuz

Laburpena

Gaztesare sare sozialetan erabiltzen den hizkuntzaren alderdi desberdinetako deskribapena eta analisia egiteko ikerketa taldearen datu basea oinarri hartuta, sare sozialetako (Instagram, Facebook) idatzizko jardunari fonetika eta fonologiaren alderditik egindako gogoeta saioa biltzen da lan honetan. Alderdi fonetiko-fonologikotik begiratzeko ahozko jarduna datu iturri ohikoena eta zuzenena izanda ere, idatzizko iturrietara joatea ez da hainbestetan egiten; aldiz, saio honetan hori egin nahi izan da egun gazteek erabiltzen duten hizkeraren azterketa egiteko. Sare sozialetako hizkeraren ezaugarri esanguratsu zenbait zerrendatzeaz gain, ezaugarri horiek Gaztesareko datu basean zer nola betetzen diren eskaintzen da.