Langile bat gehiago

Resumen

XXI. mendean gauden arren, artista bohemioaren irudiak indarrean darrai. Figura horrek gaurkotasuna badu, ez da artearen esparrutik kanpoko begiradaren emaitza bakarrik, baizik eta esparru bertatik elikatu delako ere bada. Idealizatutako artistaren figura horrek erakargarri izaten jarraitzen du uste bikoitz batetan medio. Batetik, pentsatzen da artista izatea badela, behar materialei muzin egin eta autoerrealizazioaren bidean, askatasun indibiduala lortzearen pareko zerbait. Eta bestetik, sinisten da, gizarte kapitalista batean, aukera hori badela, konformagaitzatasuna eta jarrera antagoniko batetik abiatuta, aparteko bizimodu bat eraiki edo balizko 'antimundu' batetan kokatzeko modua. Uste bikoitz hau okerrekoa da ordea. Urrun geratzen da artista bohemioaren mitoa gaur artistak bizi duen errealitatetik.