Egunero, elkarreraginean aritzen gara teknologia bigunekin: prozedurak, sistemak, prozesuak… ukiezinak izategatik nekez hauteman daitezkeenak. Honako hauek izan daitezke: jokabide-protokoloak, funtzionamendu-kodeak, estrategia komunikatiboak, erakundeen antolaketa-ereduak, metodologia pedagogikoak… Artistok etengabe erabiltzen ditugu (lankidetzazko sorkuntza-prozesuetan, publikoarekin harremanak izateko prozesuetan, subjektibitateak transmititzeko prozesuetan…), eta batzuetan gure proiektu artistikoen kantoiharria ere izan daitezke (praktika performatiboetan, testuinguru-praktiketan, praktika parte- hartzaileetan…). Asmatzen ditugun formalizazioak eta tresnak sarritan modu naturalizatuan erabiltzen ditugun  teknologia horien eraginpean daude. Horregatik, horiek esplizitatzea, nola funtzionatzen duten ulertzea, haiekin esperimentatzea eta modu ahaldunduan erabiltzeko gai izatera iristea lagungarria izango zaigu teknologia bigun horiek modu sofistikatuan erabiltzeko, bai artearen alorrean eta bai beste eremu sozial eta zientifikoekin duten loturan ere.